Peter Pellegrini
Peter Pellegrini es un politico de Slovakia. Il nascet li 6-im de septembre 1975 in Banská Bystrica e esset inter li 22-im de marte 2018 e li 21-im de marte 2020 li prim-ministre de Slovakia. Desde li 15-im de junio 2024 Peter Pellegrini es li presidente de Slovakia.
Pellegrini esset membre del populist-socialdemocratic partise Smer til li annu 2020. In li annu 2020 Peter Pellegrini fundat li socialdemocratic partise HLAS e devenit li presidente de ti partise. Peter Pellegrini esset inter li 25-im de octobre 2023 e 7-im de april 2024 presidente del parlament de Slovakia.
Personal e professional vive[modificar | redacter fonte]
Peter Pellegrini es del italian origine. Il studiat economie in li Technical Universitá de Košice. Pos to il laborat quam economico.
Political cariera[modificar | redacter fonte]
- 2006 Peter Pellegrini es electet in li parlament de Slovakia por li partise Smer.
- 2006-2010 Vice-ministre por investitiones.
- 2012-2014 Secretario del state por financies.
- 2016 Pellegrini devenit vice-prim-ministre por investitiones.
- 2018 Peter Pellegrini devenit li 22-im de marte 2018 prim-ministre de Slovakia pos li demission de Robert Fico.
- 2019 Peter Pellegrini anc prendet li oficie del ministre por sanitá.
- 2018-2020 Pellegrini esset prim-ministre de Slovakia inter li 22-im de marte 2018 e li 21-im de marte 2020.
- 2020 Peter Pellegrini forlasset li partise Smer e fundat li partise HLAS e devenit presidente de ti nov partise.
- 2023-2024 Peter Pellegrini devenit ye li 25-im de octobre 2023 presidente del parlament de Slovakia e restat in ti oficie til li 7-im de april 2024.
- 2024 Peter Pellegrini candidat por li oficie del presidente de Slovakia e ganiat in li duesim rond con 53,1 percentes contra Ivan Korčok, qui recivet in li duesim rond 46,9 percentes. In li unesim rond Pellegrini hat recivet 37,0 percentes e esset detra Ivan Korčok, qui hat recivet 42,5 percentes. Peter Pellegrini devenit oficialmen ye li 15-im de junio 2024 presidente de Slovakia.